الغريب بقى… لقيت خيال الحد اللي جوه ده بيتحرك بسرعة رهيبة كأنه بيجري من حاجة خايف منها… شوية ويختفي ضله من على الحيط كأن الارض بتبلعه ولحظة اختفائه بسمع أصوات عاليه من جوه… زي اللي في حاجة بتقع او بتتكسر… كل ده بيحصل وهو على مسافة من بلكونة الأوضة… يعني بيجري او بيتحرك في اخر الأوضة… لحد ما لقيته لف بجسمه ناحيتي وبص عليا حسيت إنه شافني… فدخلت نص اللي كان ظاهر من ورا شيش الشباك ولزقت بجسمي في الحيط من الخوف.
برغم خوفي وقتها من الشخص اللي جوه البيت… بس رجعت لفيت وشي وبصيت عليه من ورا فتحات الشباك… ماكنتش كاشف المكان بالكامل بس كانت كفاية اشوف اللي بيحصل قصادي… واللي كان بالظبط زي ما هحكيه… وقف الراجل او ايا كان ده ايه عند سور البلكونة وفضل يقطع في هدومه… هدومه كانت زي الخرقة الدايبة اللي بمجرد مايشدها من على جسمه تتقطع في ايده… فضل يقطع في الجلابية اللي لابسها لحد ما تقريبا ماتبقاش حاجة تستره… وبدون مقدمات رفع رجله على سور البلكونة وفي اقل من الثانية كانت الرجل التانية محصلاه.
كنت مستغرب من اللي شايفه ده لو سوبر مان مش هيقدر يعمل اللي عمله… السور كانت مساحته صغيرة جدا ماتتحملش حد يقف عليها بالشكل ده… وفضل بقى رايح جاي على السور كأنه بيتمشى على طريق عادي… بعد لحظات سمعت نفس الأصوات من جوه البيت… بس مش خبط وتكسير، كان في أصوات ناس بتصرخ.
لتكملة القصة اضغط على الرقم 8 في السطر التالي 👇
