“انت هتتقتل انهاردة”

­­

وفجأة سمعت صوت حركة ورايا، لفيت برعب عشان اشوف البنت دي واقفة ورايا، شوفتها في الضلمة زي قطعة من الليل المضلمة اكتر من الضلمة نفسها، حسيت بانفاسها على وشي، حسيت بيها بتتحرك، طلعت موبايلي ونورت نور ضعيف عشان الاقيها دخلت اخر اوضة في البيت، مشيت وراها وانا مش فاهم حاجة، دخلت الاوضة بهدوء و
وذهلت لما لقيت الاوضة فاضية خالص، امال فين البنت دي او الست، الاوضة كان فيها دولاب وكنبة خشب، ببص ورايا لما سمعت صوت لقيت الباب اتقفل براحة خالص، حسيت بخوف كبير وحاولت افتح الباب بس مكنش بيفتح خالص..
خايف اتعامل معاه بعنف فيصحا منصور، وقتها هتبقا كارثة، هيتقال عليا حرامي من البلد كلها، بصيت للاوضة عشان الاقي شباك او اي حاجة، وفعلا لقيت شباك عالي، ملقتش غير الكنبة اللي ممكن اشدها عشان اطلع عليها وافتح الشباك..
بس لما جيت اشد الكنبة كانت ثقيلة، ثقيلة جدا جدا، شيلت المفرش من عليها، لمحت ترباس صغير خالص، كأن الكنبة مجوفة من جوة وبتتفتح، وفتحت الترباس وشديت الجزء العلوي..
وكان الهول، ريحة بشعة، رهيبة طلعت مرة واحدة خلتني اكح بعنف واحط ايدي على عنيا ومناخيري، طلعت الموبايل بسرعة ونورت..
شوفت جثة، جثة متعفنة وعليها دود كتير اوي، دوست على شفايفي بسناني عشان مصرخش، المنظر كان بشع جدا، بشع فوق ما تتصور، دققت في الجثة وشوفت العباية اللي كان لبساها الست مرات منصور، دي جثة مراته، غصب عني لقيت دموعي بتنزل من عنيا، حسيت بقلبي بينفطر عليها، سمعت صوتها وهي بتقولي
“انت واد جدع يا سيف”
الراجل قتل مراته ومخبيها هنا، وفجأة لقيت حركة ورايا لفيت بسرعة لقيت سكينة نازلة على جسمي، وفي لحظة كنت بمسك الايد اللي عايزة تقتلني، وسمعت صوت منصور بيقولي:

لتكملة القصة اضغط على الرقم 6 في السطر التالي 👇