كان ياما كان في قديم الزمان كان في سلطان وما سلطان غير الله واللي عليه ذنب يقول استغفر الله.. السلطان طلع في رحله صيد مع حاشيته ووزيره .. وهما مروحين من الصيد .. يلقى مرمره ( حجر كريم ) كانت مايله للحمورية بطريقه غريبه .. تلمع والشمس زايدتها جمال ,و الفرس متاعو عثرت من وهج ولمعان المرمره .
استغرب السلطان شبيها رجعت.. شافها دخلت لبيت الراحه هزت المصلحة وشيتة حاشا وجوهكم .. وطلعت والسلطان قاعد يغزر وباهت في عجب ربي ومستغرب .. مستغرب فيها مطلعتهم وطالعه بيهم تجري .. سألها علاش هازتهم هاجت فيه وهي تلعلع وقالتله مش انت قلتلي خوذ اللي تحب عليه هزو معاك .. واخواتي قالولي جيب أغلي حاجه في القصر وانا عندي عام قاعدة في القصر .. وانت كل ماتدخل تقول نظفوا الحمام سيقوا بيت الراحه نحبها ديما نظيفة وريحتها فاوحة .. يعني أغلي حاجه عندك هي النظافة وهي ما تنظاف كان بالمصلحة والشيتة. ضحك السلطان وقال عملة وعملتها بيديا .. لاهي طامعة لا في فلوس ولا في مجوهرات ولا عز ولا نفوذ لكن العقل يجيبه ربي برا الله يهديك ادخل لبيتك ولولدك .. إن شاءالله ربي يعطيك العقل ورجعها السلطان .وضحك وقال الزين في العقل والي لقا راحتو في الهبال ما عندو ما يعمل بالعقل .
العقل ميزانه يتثقل بالذهب وماعمره الزين يعمر الديار والزين بلا عقل كالباب بلا قفل ….
وخلاصت حكايتنا ليوم ونلتقي مع قصة اخرى إن شاءالله ..
