كان ياما كان في قديم الزمان كان في سلطان وما سلطان غير الله واللي عليه ذنب يقول استغفر الله.. السلطان طلع في رحله صيد مع حاشيته ووزيره .. وهما مروحين من الصيد .. يلقى مرمره ( حجر كريم ) كانت مايله للحمورية بطريقه غريبه .. تلمع والشمس زايدتها جمال ,و الفرس متاعو عثرت من وهج ولمعان المرمره .

كان ياما كان في قديم الزمان كان في سلطان وما سلطان غير الله واللي عليه ذنب يقول استغفر الله..
السلطان طلع في رحله صيد مع حاشيته ووزيره .. وهما مروحين من الصيد .. يلقى مرمره ( حجر كريم ) كانت مايله للحمورية بطريقه غريبه .. تلمع والشمس زايدتها جمال ,و الفرس متاعو عثرت من وهج ولمعان المرمره .
هبطو جابوا طرف المرمر للسلطان اعجب بيها و كان تحفه نادره غريبه وجميله …
يقوم السلطان يحلف ما نأخذ مرا إلا ويكون خدها كيف المرمره هاذي روح للقصر وطلب يستدعوله العزوزه اللي تخطب وقاللها نحبك تدور علي ديار المدينه كلهم وخوذ معاك المرمره واللي خدها كيف المرمره هاذي اخطبهالي . .
بدات العزوزة تدخل دار وتطلع من دار وما لقاتش طلب السلطان قالولها كان تحب الزين هذا ما عليك الا وعلي البنية الصغيره في عيله دردنوا. قالت لهم وين دارهم نعتوها علي الشارع وأما الدار قالواها اتو وحدك طلعها دوب ما تدخل للشارع تلقي الغنا والزغاريت عامل قبب.. مشات العزوزه للدار لقاتها كيما قالولها .. قعدت تمشي لين وصلتلهم وهوما زايدين في الهيجة ولا قالوا نهفتوا حتى شوية..
رجعت للقصر وقالت للسلطان طلبك راهو عند العيله الفلانيه

لتكملة القصة اضغط على الرقم 2 في السطر التالي 👇