بعد كتب كتابي بكام يوم لون بشرتي بدأ يتغير للون الأصفر والألم في بطني كان يكاد يكون مُميت ولا يُطاق.

بعد كتب كتابي بكام يوم لون بشرتي بدأ يتغير للون الأصفر والألم في بطني كان يكاد يكون مُميت ولا يُطاق. فروحت للدكتورة مع والدتي وكشفت وهنا كانت أكبر صدمة صُعقت منها في حياتي الدكتورة قالتلي كدا بالنص: " الرّحم عندك يكاد يكون مشقوق نصين ومستحيل تخلفي! " خرجت من المستشفى وكل اللي في بالي هقول لزوجي إيه؟ لتكملة القصة اضغط على الرقم 2 في السطر التالي 👇 وقتها ماما كانت منهارة بس بتحاول تتماسك، بقيت أقول في بالي " ياترى هيسيبني؟ لا مستحيل ده بيحبني جدًا " حارب عشاني كتير وحتى بعد ما بابا رفضه فضل متمسك بيا فمش معقولة هيتخلى عنِّي، طلعت موبايلي ورنيت عليه فرد عليا بعد تاني مرة، ولما حكيتله اتردد وسكت فلاقيت ريقي وقف وحسيته اتحجر في زوري، فهمت موقفه من عدم رده عليا ولساني انقعد وحتى كلمات الـحب اللـي كـنت بقولهاله حسيتها هتبقى ماسخة جدًا لو طلعت مني للشخص ده تاني واستغربت الدنيا جدًا حقيقي، إمبارح أقرب شخص ليا أصبح أغرب شخص، فكرت إنه هيشاركني كل حاجة، هيطلب صورة ليا بالفستان ويختارلي الأجمل. مقدرتش أقف على رجلي وأغمى عليا، صحيت على صوت ماما في البيت وهي بتقولي " الخيبة لما بتيجي بدري يانور بنقدر نعالجها بسرعة، هو بص لأسباب الطب ومبصش لأسباب الرب " - طب هو كان في حاجة لازم أعملها ياماما؟ لا ياقلب ماما " قُلْ إِنَّ الْأَمْرَ كُلَّهُ لِلَّهِ " - بس أنا كنت بحبه! ربنا بياخد منك الأنسب بالنسبالك عشان يرزقك الأصلح ♥. بعد أيام مش بعيدة أتقدم ليا شاب على خُلق ودين، فرفضتهُ وخوفت يسيبني هو كمان، بس هو أتقدم تاني وتالت فبابا قالي " اقعدي معاه وقوليله الحقيقة بينك وبينه " أول ما قعدت معاه سألني على سبب رفضي! فقولتله " أنا مش هخلف ". فرد بصدمة وقال " فين الضرر لو توكّلنا على الله الذي يَمنح ويَمنع! لتكملة القصة اضغط على الرقم 3 في السطر التالي 👇 - فقولتله " وليه متتجوزش غيري وتخلف؟ " فسكت ومردش! وبعد شوية قال " إزاي واحد عاقل يبص للبشر ويغض الطرفَ عَن المُسبِّب؟ والذي أعطى زكريا سيُعطيني! " وافقت عليه، وتمَّت الخطوبة والفرح، وبعد ٣ سنين حملت! فرحتي كانت لا توصف، ولكن الحمل هيكتمل إزاي؟ لكني سيبتها على ربنا وكنت بروح أشتري لبس للطفلة وبشارك زوجي وأقوله " دي أجمل ولا دي! " ياترى هيبقى ولد؟ ولا بنت؟ شبهي ولا شبهك! والصدمة جات زي ما توقعت، الحمل مكتملش بصيت لجوزي وقولتله " مش قولتلك ؟ " فابتسم وقال " وَلَئِن صَبَرْتُمْ لَهُوَ خَيْرٌ لِّلصَّابِرِينَ". - هتسيبني؟ ايوه بس لما أموت. لتكملة القصة اضغط على الرقم 4 في السطر التالي 👇 عدت سنة وحملت مرة كمان، زوجي بقى هو اللي يخدمني وكنت بنام في السرير على طول، وبرضو سقطت تاني! دخلت في حالة نفسيَّة فلاقيت موسى دخل عليا وحضني وقال " وَأَيُّوبَ إِذْ نَادَىٰ رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ " " وَزَكَرِيَّا إِذْ نَادَىٰ رَبَّهُ رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ. فَاسْتَجَبْنَا لَهُ ". مع الوقت لاقيت جسم زوجي بيضعف، تحت عينه بقى أسود فروحتله الصالون ونمت على كتفه وقولتله" مالك؟ " رد وقال " عُكّازي اتكسر ". - أي عُكاز ؟ انتي عُكّازي في الدُّنيا يانور ♥. - بس أنا مش قادرة اسندك! عارفة يانور لو صبرتي بجد كان ربنا مّن عليكي. - أنا صابرة إزاي صابرة وصبرك مُقترنٌّ بسوءِ ظنّ؟ - يعني أعمل إيه؟ أُصبري بيقين وبثقة وادعي دُعاء المُضطر - معقولة هيجبرني؟ ثقي في رحمته فقط ♥. لتكملة القصة اضغط على الرقم 5 في السطر التالي 👇 وفعلاً بعد سنتين من الدعاء والمناجاه حملت، بس المرة دي مكنتش خايفة، حتى معملتش سونار ولا مرة وكنت سايبة كل أموري على الله، ولما جه يوم الولادة ماما وزوجي وبابا كانوا جنبي، هو كان بيطمني ويطبطب عليا كل شوية وبيحاول يذكرني إن ربنا رب الخير ♥.. وبعد الولادة زوجي دخل لقى في حضني تؤام وبعيط! فوقف متنح شوية وبعد قال بفرحة ويقين " مفكرة معيّة اللّٰه عز وجل هتهجُرنا بعد ما جبر قلوبنا وجمعنا ببعض؟ " فبصيت لماما فقالت الجملة دي للمرة التانية: " بياخد الأنسب من وجهة نظرك عشان يرزقك الأصلح " ♥.