الام
ينفع الكلام اللي بتعمله ده انتو اي مافيش
عندكم دم ابوكم لسه ميت وانتو بتقولوا
اي
سناء
اسمعي انتي يا امي ده الولد الوحيد وكمان
مش اخونا يعني اكيد هيضحك علينا
رحاب
اه يا ماما بابا الله يرحمه مات فكري فينا
احنا بقي شويه لازم تخافي علينا يا امي ، وفعلا
امي بدأت تفكر في الكلام وفي شقتي
مروه
اه مش قادره أنا تعبانه اوي يا فهد
طول اليوم وافقه علي رجلي
فهد
معلش يا حبيبتي ربنا يقويكي ويديكي الصحه
مالك يا مروه حاسك عايزه تقولي
ليا حاجه
مروه
بصراحه كده عايزاك ترجع عن اللي ابوك عمله يعني ما تنفذش الوصيه اللي هو طلبها منك ادي كل واحده من اخواتك ورثاها وهي حره
فهد
ما ينفعش اكسر كلام ابويا الله يرحمه يا مروه وبعدين انت عارفه لو كل واحده اخذت نصيبها هتعمل ايه
مروه
هما هم حرين يا فهد بلاش تكسب عداوه اخواتك خليهم يحبوك دائما
فهد
اظن ده مش وقته خالص يا مروه أنا قايم
انام ، وفعلا أنا كنت خايف لما اخواتي
يعرفوا الوصيه وفعلا عدا اسبوعين
ولقيت امي بعتت ليا
فهد
نعم يا ماما تحت امرك محتاجه اي حاجه
الام
اه يا حبيبي اقعد مع اخواتك وشوف حق
كل واحده فيهم يا حبيبي وخليها تخدو
احسن
فهد
بسرعه كده يا امي ماشي عالعموم
أنا هبعت للمحامي يجي ويقول الوصيه ، وفي
الوقت ده لقيت رحاب خارجه وبتقول
رحاب
وهي محتاجه محامي أحنا هنسيب
البيت ده ليك انت وماما وانا وسناء .هناخد
البيت الصغير والشركه هتتباع وفلوسها
هتتقسم علينا
فهد
حلو اوي الكلام ده وبعدين عايزه اي
تاني
رحاب
هو فيه اي انت مالك قاعد هادي ليه
كده هو أنت شايف حاجه تانيه المفروض
انها تحصل
فهد
اسمعي يا رحاب بقي ابوكي كتب ليا كل
حاجه بيع وشراء تمام وانتو علشان اخواتي
اي مصاريف هتعوزها أنا تحت امركم فيها ، وفي الوقت ده لقيت امي بتقولي
الام
نعم يا عنيا اي الكلام الاهبل اللي انت
بتقولوا ده فلوس اي اللي ابوك
كتابها ليك يا عنيا
فهد
ماما اي طريقه الكلام دي من أمتي وانتي
بتتكلمي معايا كده
الام
لا امك دي كانت زمان قبل ما تضحك
علي ابوك وتاخد منه كل حاجه وانا مش
هسكت
رحاب
وهو انتي فاكره اننا احنا هنسكت ده حقنا
وانا لو هموت هاخدو
فهد
تمام حلو اوي الكلام ده ودلوقتي بقي
أنا اقدر اقولكم عندكم حيطه اتنين تلاته
اللي مش عجبه يخبط رأسه في الحيطه
