قصة الغريبة

قصة الغريبة لقيت ست كبيرة لابسة أسود وشكلها غريب وقفتني في الشارع وأنا راجع البيت بالليل وقالتلي لو سمحت ممكن تقولي العنوان دا فين ؟ بصيت في الورقة انتي ايه اللي جابك هنا بس يا ستي !! انت بعيد اوي كدا عن العنوان معلش يا بني انا مش من هنا انا من محافظة تانية ، بنتي عيانه ومحجوزة في المستشفى وانا نزلت اشوفها ..وسواق التاكس نزلني هنا يابن النصابة !! ..دا ضحك عليكي ونزلك في نص السكه لتكملة القصة اضغط على الرقم 2 في السطر التالي 👇 وبعدين انا تايهة ومش عارفة اعمل ايه ! طب وليه جوز بنتك مجاش يستناكي من الموقف ولا المحطه ..طالما انك مش عارفه المكان جوزها منه لله ..دا راجل واطي هو سبب تعبها رماها في المستشفى وسابها ..لاحول لها ولا قوة لتكملة القصة اضغط على الرقم 3 في السطر التالي 👇 [sc name=”ad5″ ][/sc] حسيت أن الست كانت هتعيط ..صعبت عليا وقررت اوصلها بنفسي المستشفى طيب يا حجه متزعليش انا هوصلك لحد بنتك بجد يا بني ؟ ايوه ..تعالي وقفت تاكسي وطلعنا على المستشفى طول الطريق وهي بتشكرني وبتدعيلي لتكملة القصة اضغط على الرقم 4 في السطر التالي 👇 انت اسمك ايه مصطفى يا حجه روح يا مصطفى ربنا يكرمك ويرزقك ويوقفلك ولاد الحلال دايما ربنا يخليكي ياحجه ..انا معملتش حاجه..انتي زي امي الله يرحمها ..وبصراحه صعبتي عليا واتخيلت انها في مكانك ومش عارفه تروح فين ربنا يرحمها يا حبيبي ويطرح البركه فيك وصلنا المستشفى اللي كانت حكومي حاسبت التاكسي ورفضت اخد منها تمن الأجرة. ميصحش يا ابني انا زي ابنك..دي حاجة بسيطه دخلنا المستشفى وطلعت الموبايل ..عشان تكلم لتكملة القصة اضغط على الرقم 5 في السطر التالي 👇 بنتها ..تعرف منها هي فين اوضتها المحجوزة فيها دي مبتردش ؟ طب هي عندها ايه ؟ هي واقعه على إيدها ومكسورة وعندها شوية كدمات في جسمها طيب غالبا هي في قسم العظام سألت ممرضة عن قسم العظام .. قالت في الدور التالت طلعنا التالت ..كان في عنبر نساء وعنبر رجال مقابل ليه دخلنا عنبر الستات ..وكان في كذا أوضة على الجانبين كانت هي بتدخل وتبص جوا ..وتقول لأ مش هنا أوضة ورا أوضة والست أبتدت تيأس لغاية الأوضة الأخيرة ..فتحت الباب ودخلت ووقفت ساكته ومبرقة وشهقت بصوت عالي خير يا حجه مالك !!لتكملة القصة اضغط على الرقم 6 في السطر التالي 👇 شوفت في عيونها نظرت رعب وقالت في حاجة مش طبيعية بتحصل جوه حاجة ايه ؟ قالت بخوف وهلع بنتي … الأوضة مفيش فيها الا بنتي ..بس أن في حد جنبها ممرض يعني مش عارفه ..مخبي وشه ومقرب منها أزاي دا ..خليكي هنا يا حجه دخلت الأوضة وقربت من الشخص دا بقولك حضرتك مين ؟ ألتفت لي وهو مخبي وشه بشال ومش ظاهر غير عيونه خبطني بأيديه في صدري وخرج جري ..لمحت الست اللي نايمه على السرير وفي دم نازل من ودنها وكانت فاقدة الوعي ..جريت عليها والدتها لتكملة القصة اضغط على الرقم 7 في السطر التالي 👇 وحضنتها وفضلت تصرخ بنتي ..ايه اللي جرالك يا حنان بسرعه جريت ورا الراجل الملثم دا كان نازل من السلم …جريت وراه عشان الحقه كان جسمه تقيل شوية ..فكانت حركته ابطئ لمحني وانا بجري وراه وعرف اني هحصله دخل الدور التاني ..وافتكر انه خدعني واني هكمل نزول للأرضي تظاهرت أني نزلت ..وبعدها طلعت تاني بسرعه ولمحته وهو طالع الدور التالت دخل عنبر الستات تاني وتوجه ناحية أخر أوضة لتكملة القصة اضغط على الرقم ٨ في السطر التالي 👇 دخل وطلع مطوه وزعق في الست وبنتها طلعي الفلوس اللي معاكي شوقي !! انت عملت ايه في مراتك يا شوقي حرام عليك..تحرق قلبي عليها مش كفاية انك ضربتها وكسرتها جاي تسرق حلقها بقولك طلعي الفلوس اللي معاكي بدل ما ادبحلك بنتك قدامك دخلت وراه واتسحبت من غير ما يحس بيا ولقيت دراعي على رقبته من وراه خنقته بكل قوتي ومسكت ايده ..لكنه ضربني بكوعه في جنبي …ورجع بضهره بيا بسرعه وخبطني في الحيط ..مسكت الشال بتاعه ولفيته بسرعه على رقبته ..ونزلت فيه ضرب بكل قوتي لغاية ما وقعت منه المطوه ..وفضلت الست تصرخ ووصل واحد من الأمن ومسكه معايا واتعمله محضر واتشد ع القسم اخدوا أقوالي هناك انا والست ..وشهدت اني انقذتها هي وبنتها وطلع جوزها راجل حشاش ..وكان ناوي يسرق حلق مراته عشان مزاجه ..بس وصلت في الوقت المناسب طلعت فلوس عشان تاخدها لان واضح انه ظروفها تعبانه لكنها رفضت بشدة ..اديتها رقم موبايلي وعنواني ..وقولتلها لو احتجتي اي حاجه انا تحت أمرك في أي وقت .. سبتها ورجعت البيت ..كنت حاسس اني مبسوط عشان متأخرتش في عمل خير مع ست كبيرة تايهه وغريبة، وربنا جعلني سبب اني أنقذها هي وبنتها من خطر واحد معندوش ضمير ولا أخلاق تمت