7️⃣قصص_الأنبياء 💖 سيدنا_نوح ٢

7️⃣قصص_الأنبياء 💖 سيدنا_نوح ٢ يا تري أية اللي هيحصل لقوم نوح ؟؟ وقت عقاب قوم نوح قرب.. ربنا خلي سيدنا نوح يبقي عارف ان مافيش حد تاني هيبقي مؤمن غير اللي آمن خلاص ،، وأمره انه يبني سفينة في مدينتهم سفينة ؟ وسط المدينة ؟ اة ده كان أمر ربنا. بدأ سيدنا نوح يصنع السفينة ومعاه المؤمنين سفينة ضخمة جداااااااا.. وقوم نوح كل لما يعدوا عليه يفضلوا يتريقوا ويضحكوا. أية دة انتم بتعملوا ايه ؟ هتعوم فين دي ؟ ههههه.. سيدنا نوح قالهم انتم بتسخروا منا لاننا مصدقين أمر ربنا ؟ احنا هنسخر منكم ومن كفركم بربنا.❤ الكفار يقولوا يلا احنا مستنين العذاب ،، يلا هاته.، ويتريقوا!! الكفار يبصوا لنفسهم وفلوسهم واولادهم ويقولوا احنا اكيد الصح ،، احنا اغنيا واقويا . ويبصوا علي سيدنا نوح والضعفاء المؤمنين اللي معاه ويقولوا دول اكيد غلط .. شوفوا ضعفا ومساكين ازاي ..! سيدنا نوح فضل يكمل بناء السفينة وفضل الكفار يتريقوا عليه ويقولوا يا نوح يلا هاتلنا العذاب ..احنا مستنيينه .. وبرضو سيدنا نوح يرد : مش انا اللي هجيبه ربنا بس اللي يقدر يجيبه .. بس ساعة لما ربنا يجيبه مش هتبقوا عاملين اقويا زي دلوقتي .. سيدنا نوح والمؤمنين اللي معاه صابرين علي كلام الكفار لتكملة القصة اضغط على الرقم 2 في السطر التالي 👇 فربنا قاله يحط جواها من كل نوع من المخلوقات اثنين ذكر وانثي.. يعني ولد وبنت ويركب اهله المؤمنين بس ،، ويركب باقي المؤمنين اللي آمنوا معاه. طب مين أهل سيدنا نوح؟؟ زوجة سيدنا نوح كانت من الكفار .! وكانت بتقول للناس سيبكم منه ماحدش يسمع كلامه ..ده واحد مجنون .. 😠 ولما حد يبقي مؤمن مع سيدنا نوح كانت تروح تقول للكفار الاقويا عليه عشان يؤذوه ..😠 فزوجة سيدنا نوح مش من اهله اللي هيركبوا معاه السفينة.. وكان عنده 4 أبناء . اسمهم أية ؟؟ سام وحام ويافث .. دول ال3 مؤمنين والرابع فين ؟ الرابع كان كافر .. طب هيركبوا السفينة امتي ؟ ربنا عرف سيدنا نوح ان فيه علامة اول لما تحصل يركبوا السفينة.. ايه العلامة دي؟ كان فيه تنور.. تنور يعني فرن مصنوع في الارض... أول لما يلاقوا ماية بتخرج منه. كل المؤمنين وسيدنا نوح معاهم يركبوا السفينة فورا.. وفعلا سيدنا نوح لقي ماية بتخرج من التنور... فجمع المؤمنين و وجمع اهله وركبوا السفينة علي طول.. المطر بدأ ينزل بشدة من السماء. مطر مش عادي.. مطر شديد جدا... والارض كمان بدأت تفور بماية.. الماية بتخرج من كل مكان!! البيوت بدأت تغرق !! والكفار فين ؟ لتكملة القصة اضغط على الرقم 3 في السطر التالي 👇 الكفار بدؤوا يهربوا ويطلعوا علي الأماكن العالية والجبال .. فاكرين انها هتحميهم من الماية..😁 سيدنا نوح شاف ابنه ،، ابنه الرابع وكان لسه بعيد عن الماية .. فسيدنا نوح نداااااه بصوت عالي: تعااالي بسرعة.. تعالي اركب معانا...وماتبقاش مع الكفار.. فاءبنه رد عليه : لا... انا هطلع جبل هيحفظني من الماية...! ابنه ماكنش مؤمن ولغاية آخر لحظة اتكبر انه يبقى مع المومنين.... واتكبر انه يؤمن بربنا وافتكر انه ممكن حاجة تحفظه غير ربنا .. وراح يطلع جبل افتكر انه هيحميه من الغرق.. سيدنا نوح قاله :مافيش حد النهاردة في أمان ولا حاجة هتحمي حد الا بمشيئة ربنا ورحمته..❤ وجه موج عالي جداااااا... خلا سيدنا نوح مش شايف ابنه.. كل حاجة علي الارض... بتغرق. .لتكملة القصة اضغط على الرقم 4 في السطر التالي 👇 طوفان .. الطوفان يعني ماء بيجري من كل مكان وبيغرق الأرض...الموج عالي جدا... كأنها جبال مش أمواج... والسفينة بس هي اللي في أمان لأن ربنا حافظها وهي بتجري وسط موج زي الجبال..❤ فضلت السماء تمطر والأرض تطلع مية.. الارض كلها غرقت..حتي الجبال متغطية بالماية... وكل الكفار اللي كذبوا نوح غرقوا ومتبقاش غير المؤمنين بس وسيدنا نوح علي ضهر السفينة في أمان.❤والمنظر مرعب جدا... موج عالي زي الجبال... وسفينة من الخشب محفوظة بأمر من ربنا..❤ لغاية لما ربنا أمر السماء توقف مطر وأمر الارض تشرب الماية. والسفينة بأمر ربنا رست فوق جبل.. إسمه جبل الجودي.. ونزل سيدنا نوح والمؤمنين من السفينة عشان يبدؤوا حياة جديدة علي الارض بيطيعوا فيها ربنا وبيشكروه..❤ وابنه الكافر فين ؟؟ سيدنا نوح سأل ربنا: يارب وعدتني انك تنجي اهلي .وابني من أهلي؟ ربنا قاله : إنه ليس من أهلك لأنه كافر .. فمتطلبش مني أني أنجي كافر . يعني يا نوح... اهلك هم المؤمنين❤ سيدنا نوح طلب من ربنا يغفرله ضعفه وخطأه.❤ بعد لما سيدنا نوح عليه السلام نزل من السفينة، والمؤمنين وجميع الكائنات اللي خدوها معاهم .. بدؤوا حياة جديدة .❤ علي الأرض.. كلهم مؤمنين عابدين لربنا ❤وبيطيعوا ربنا.❤وعايشين سعداء وقلوبهم مليانة ايمان وشكر لربنا بعد ما نصرهم ونجاهم ❤وعاش معاهم سيدنا نوح عمر طويل ..❤ لكن سيدنا نوح كبر وقبل مايموت ..قال لابنه وصية .. يا تري قاله ايه ؟؟ قاله أنا هأمرك بحاجتين .. وإياك تعمل حاجتين لتكملة القصة اضغط على الرقم 5 في السطر التالي 👇 اول حاجة هأمرك .. ب لا إله إلا الله .. في قلبك وعلي لسانك..هي أقوي من كل شيء ..❤ ولو السموات والارض كلهم اتحطوا في ميزان ولا إله إلا الله في ميزان .. هتكون هي اتقل منهم واعظم وأقوي..❤ تاني حاجة هأمرك ..ب سبحان الله وبحمده ...لانها تسبيح كل شيء علي الارض.. وربنا بيرزق بيها الناس ❤ ازاي تسبيح كل شيء؟ كل شيء بيسبح ربنا .. بيسبحوا بطريقة احنا مش عارفينها ربنا قالنا : "تسبح له السماوات السبع والأرض ومن فيهن وإن من شيء إلا يسبح بحمده ولكن لا تفقهون تسبيحهم إنه كان حليما غفورا" يعني الكرسي ده والترابيزة دي والعصافير اللي بره... بيسبحوا ربنا ؟ ايوة طبعا وربنا قالنا.. انتم مش هتفهموا بيسبحوا ازاي لكن كل شيء في الكون بيطيع ربنا وبيسبحه.❤ سيدنا نوح قال كمان.. إياك تعمل حاجتين .لتكملة القصة اضغط على الرقم 6 في السطر التالي 👇 الشرك والكبر الشرك انك تعبد اي حاجة مع ربنا طب والكبر ؟ الكبر هو اللي يحس انه اعظم من الناس ويحتقرهم ويتكبر انه يسمع الحق ويقلل منه ويسخر منه ويغتر بنفسه وبس.. زي ما قوم نوح عملوا .. طب ايه اللي حصل بعد كدة ....؟ المؤمنين اللي كانوا مع سيدنا نوح كان عددهم قليل جدا.. وماكنش لهم ذرية . يعني ماكنش لهم اولاد واحفاد .. ربنا ماخلاش ليهم اولاد.. لكن سام وحام ويافث اولاد سيدنا نوح المؤمنين كان لهم ذرية كبيرة ومنها انتشر البشر تاني علي الارض ❤ يعني اولاد سيدنا نوح بس هما اللي كان ليهم اولاد واحفاد.. فالناس كلهم اولاد .. سام وحام ويافث وكل الناس ساعتها علي ارض مؤمنين . بس هيظهر ناس جديدة ،، يا تري هيكونوا ناس مؤمنين ولا كافرين ..!؟👇