قال له علشان متفتكرش إننا مش مهتمين
ابتدى المدرس يديله درس في الاهتمام بكلمات لطيفة مبكية لحد ما أبكاه وفي الآخر قال له بمجاز عبقري :
هل بحثت زوجتك عن جزر سلمان؟
فقال له مش عارف
قال له في جزر سلمان الأهالي مبيقطعوش الشجر
لكنهم لو عايزين يقطعوا شجرة بيلتفوا حواليها ويشتموها فبعد أيام بتذبل وتموت!
وفي الآخر، المدرس الإنسان اقترح فكرة مسابقة رسم يشترك فيها الجميع مدرسون وطلبة ومديرون وده لأن إيشان بيحب الرسم
ورسم إيشان رسمة رائعة ورسم المدرس رسمة لإيشان نفسه!:)
والمدير قال إن الرسمة الفائزة هتكون غلاف الكتب
وفازت رسمة إيشان ومكانش مصدق إنه ممكن ينجح وفي الآخر رجع في إجازة مع أهله وهو كل نظراته وأحضانه امتنان لمدرسه الرائع الذي كان سببًا في إحياء ما بداخله :’)
نفسي أنزل أوزع الفيلم ده على كل الناس وأقولهم يشوفوه
نفسي كل المدارس تخلي المدرسين يشوفوه في بداية كل فصل دراسي
نفسي كل أم وأب يتفرجوا عليه
ونفسي كلنا نتعلم المعاني اللي فيه ونطبقها وكفاية قتل في إبداع الأطفال وكفاية تنميط وكفاية نفسيات مشوهة .
