“أَوَعَجِبْتُمْ أَنْ جَاءَكُمْ ذِكْرٌ مِنْ رَبِّكُمْ عَلَى رَجُلٍ مِنْكُمْ لِيُنْذِرَكُمْ وَلِتَتَّقُوا وَلَعَلَّكُمْ تُرْحَمُونَ ”
مافيش حد آمن غير عدد قليل اوي..
ومعظمهم ناس ضعيفة ومسكينة وبيشتغلوا أعمال بسيطة. لكن الاغنيا والأقويا مش راضيين يؤمنوا بربنا ..
الاغنياء والاقوياء لما بصوا علي سيدنا نوح..
لقوا ان الناس المؤمنة اللي معاه هما الضعفاء فحسوا بالتكبر انهم يبقوا مع الناس الضعيفة دي..
وقالو لسيدنا نوح :
“وَمَا نَرَاكَ اتَّبَعَكَ إِلَّا الَّذِينَ هُمْ أَرَاذِلُنَا بَادِيَ الرَّأْيِ “.
يعني اللي اتبعك وسمع كلامك أقل ناس فينا.. إزاي نبقي معاكم ؟
هما مافكروش في كلام سيدنا ا نوح وانه الصح..
هما تكبروا انهم يبقوا مع الضعفاء ويؤمنوا زيهم..!
وقالوا كمان :
“وَمَا نَرَى لَكُمْ عَلَيْنَا مِنْ فَضْلٍ بَلْ نَظُنُّكُمْ كَاذِبِين”
يعني مش شايفين انكم لما آمنتم بقيتم احسن مننا ولا شايفين انكم لما آمنتم بقي معاكم حاجة اكتر مننا أنتم كذابين..
سيدنا نوح قالهم..
انا ما قولتش اني عندي خزائن السموات والارض ولا قلت اني عارف الغيب واللي هيحصل ولا قلت اني ملك من عند ربنا..
انا بشر ربنا بعتني ليكم عشان احذركم..
وَلَا أَقُولُ لَكُمْ عِنْدِي خَزَائِنُ اللَّهِ وَلَا أَعْلَمُ الْغَيْبَ وَلَا أَقُولُ إِنِّي مَلَكٌ
قوم نوح مصممين علي انهم هما الصح ومتكبرين يسمعوا كلام من سيدنا نوح
.لتكملة القصة اضغط على الرقم 5 في السطر التالي 👇
